 2012 წლის გაზაფხული-ზაფხულის საბავშვო კოლექცია
საყოველთაო შეკითხვა: რა ჩავიცვა? - როცა ბავშვები გიჩნდება, იცვლება და საფიქრალიც გემატება. მერე ფიქრობ - რა ჩავიცვათ? ვცდილობ ლამაზად და მოდურად გვეცვას, ამიტომ წინასწარ თვალს ვადევნებ მოდურ ტენდენციებს. განსაკუთრებით მიყვარს პატარას ტანსაცმლის შერჩევა და შეძენა.
მინდა გაგიზიაროთ 2012 წლის გაზაფხული-ზაფხულის საბავშვო მოდის ტენდენციები.
გოგონებისთვის მოდურია - მაქმანებიანი, წინწკლებიანი, ზოლიანი, ყვავილებით და ხილით დაჩითული კაბები, ნაზი ბლუზები და პერანგები პასტელის ფერებით, - ალბათ ის, რაზეც ყველა პატარა გოგო იოცნებებდა.
 მეოცნებე გოგოებზე შეყვარებული ბიჭებისთვის კი დიზაინერებმა არანაკლებ ელეგანტური მოდელები შექმნეს - ფერადი ჯინსები, კუბოკრული პერანგები, ღია ფერის შარვლები, შორტები და მაისურები. წელს საზღვაო თემატიკა ყველაზე პოპულარული ტრენდია. ამ თემაზე შექმნილი ტანისამოსის მთელი სერიები წარმოადგინეს ბრენდებმა: Pumpkin Patch, Mayoral, H&M, Next.
ფერები მხიარული სახელწოდებით: „შეყვარებული გომბეშო“ და „გულწასული ბაყაყი“, „ნეფრიტისფერი“- მწვანეს სხვადასხვა ელფერს აღნიშნავს. მწვანე ხომ გაზაფხულის, სიცოცხლის და მომავლის ფერია!
Gap и M&S გვთავაზობს სადღესასწაულო კაბებს პარიზული მოტივებით: ეიფელის კოშკის, ტრიუმფალური თაღის, ლუვრის გამოსახულებით. ასეთ კაბაში გამოწყობილი პატარა გოგონა ნებისმიერ დღესასწაულზე მომხიბლავი იქნება. ჩემი გოგოსთვის ვისურვებდი კაბას ქართული მოტივების პრინტით.
ბევრმა დიზაინერმა თავისი საბავშვო კოლექცია ამ ტრადიციული საგაზაფხულო მოტივებით და პრინტებით გააფორმა: გემრიელი მარწყვები და ალუბლები, ჭრელა-ჭრულა პეპლები და ჭიამაიები.
მოდაშია ტრენჩი - კრემისფერი, ქვიშის და ჭუჭყიანი ვარდისფერის ტონებში. ასევე, ყვავილებით დაჩითული საწვიმარი და შესაფერისი რეზინის ბოტები; სამხედრო სტილის ჟაკეტები; კეტები და ბენსიმონები, მხიარული ქუდები.
|
