» ვერონიკა შამუგია, 4 წლის

ვერიკომ სულ რაღაც 2 თვეა რაც ლექსების წერა დაიწყო.

„მართალია, ყველას არ მოსწონს  ჩემი ლექსები, მაგარამ ჩემს დედიკოს, მამიკოს და, რაც მთავარია, ჩემს თოჯინებს, ძალიან მოსწონთ!” - უთქვამს პატარა ვერიკოს.

როცა  ვეროს მზე ენატრება ის მზეს ხატავს და ფანჯრებთან აკრავს. თუ ეგრე ვიზამთ მზე მოვაო...

 ეს ლექსი კი ვერიკომ მზეს მიუძღვნა:

                   “მზეო, მზეო, კისკისა, ჩამოდიო ძირსა,

                    შენს სხივებთან მომენატრა თამაში და მღერა.

                    მზეო, მზეო, ლამაზო, სულ არ მინდა წვიმა,

                    დედა გარეთ არ მიშვებს, ჩემს ყვავილებსაც სცივათ.“

„რა ჭკვიანი ხარ ვერიკო!“ -  შეაქეს თურმე  ნორჩი პოეტი, "ჩვენც გვასწავლე ლექსების წერა".

”ლექსები რომ წეროთ, სიტყვების დალაგებობანა უნდა იცოდეთ!“ - უპასუხა ვერიკომ.

  2012 ივნისი

 

 

-------------------------------------------------------------------------

 

 

» ლიზიკო და მისი მეგობრები

 

***

- ლიზიკო, როცა წვიმს, ხის ქვეშ არ უნდა დადგე. ხეს, ამ დროს, შეიძლება მეხი დაეცეს, - აუხსნა ერთხელ დედამ ლიზიკოს.

რამდენიმე დღის შემდეგ გაწვიმდა და ლიზიკომ დედას უთხრა:

- დედიკო, წვიმის დროს ხის ქვეშ არ უნდა დავდგე, არა? თავზარი დამეცემა.

 

***

ლიზიკო ეზოში ჩაიყვანეს, ამ დროს მეზობლის პატარა ბიჭი, გიორგი ველოსიპედით სეირნობდა.

- გიო, ახლა ლიზიკო დასვი, რა, ველოსიპედზე, - სთხოვა დედამისმა.

- ვერ დავსვამ, - მოიღრუბლა გიო.

- დასვი, რა, ნახე, რა კარგი გოგოა.

- ვე-რა! გაჯიუტდა გიო.

- კი, მაგრამ რატომ?

- იმიტომ რომ ეს ველოსიპედი ჩემი ნაპირალია, - გამოსავალი მოძებნა გიომ. გაგრძელება

ანრი მატისი, პიკასოსა და მარსელ დიუშანთან ერთად ითვლება თანამედროვე ხელოვნების ძირითადი ტენდენციების ფუძემდებლად. 1920-იან წლებში მან საფუძველი ჩაუყარა ფოვიზმს. ფერისა და ნახატის ფლობის მისეული მანერა აისახება ძირითად ნამუშევრებში, რამაც მას მსოფლიო აღიარება მოუტანა და თანამედროვე ხელოვნების ნამდვილ მეტრად აქცია.

1947 წელს მატისმა შექმნა ალბომი სახელწოდებით „ჯაზი“. ეს უნდა ყოფილიყო ცნობილი ჯაზ მუსიკოსების – ლუი არმსტრონგისა და ჩარლი პარკერის კომპოზიციების ვიზუალური ანალოგი – „იმპროვიზაციები ფერსა და რიტმში“. ამ ალბომზე მუშაობისას მხატვარმა ფიგურები გამოჭრა გუაშით შეღებილი ქაღალდისგან. ფერისგან გამოძერწა ფიგურები და გააცოცხლა საკუთარი ბავშვობის მოგონებები  – ციგით სრიალი, ცირკის ჯამბაზები, გიმნასტები და კოვბოები.

ამგვარად შეიქმნა მატისის სერია ჯაზის თემაზე :„იკაროსი“, „ცხენი, მხედარი და ჯამბაზი“, „ციგები“.

მატისს მაკრატელი ეხმარებოდა გადაეჭრა ფერის, ფორმის და სივრცის აქტუალური პრობლემები. ის ამბობდა: „ ქაღალდის სილუეტები საშუალებას მაძლევს სუფთა ფერით ვხატო და ეს უბრალოება სიზუსტის გარანტიაა. ეს არ არის საწყისებთან დაბრუნება, ეს არის ძიებების საბოლოო პუნქტი.“

იმისთვის, რომ ბავშვებისთვის უფრო საინტერესო და გასაგები იყოს ვინ არის ანრი მატისი, გაგაცნობთ ძალზე სასარგებლო და საინტერესო თამაშს „მატისი ბავშვებისთვის“, რომელსაც შემთხვევთ წავაწყდი ბალტიმორის ხელოვნების მუზეუმის ვებ. გვერდზე. თამაშის ბმულს აქვე გთავაზობთ Matisse for Kids 

შეგვიძლია ვაჩვენოთ ბავშვს მატისის აპლიკაციები, მივცეთ მაკრატელი და დავიწყოთ მატისის ფიგურების შთაგონებით შემოქმედებითი პროცესი. მატისის აპლიცაკიების გადმოწერა კი შესაძლებელია ინტერნეტიდან. Henry Matisse

ფერადი ქაღალდებისგან შეიძლებაგამოვჭრათ ეს ფიგურები და მერე დავაწებოთ ქაღალდზე, საინტერესო კოლაჟები შევქმნათ.